Bugun, 19-oktabr kuni Samarqand shahrida BMT Butunjahon turizm tashkilotining 25-Bosh Assambleyasi doirasidagi “Global Forum on Education: The Foundation of Building Tourism” Xalqaro ta’lim forumi o‘z ishini boshladi.
Forum doirasida dunyoning 10 ta mamlakatidan ta’lim va turizm sohasi rahbarlari ishtirok etayotgan Vazirlar yalpi sessiyasi bo’lib o’tmoqda.
Shu bilan birga, ta’lim sohasidagi yetakchi ekspertlarning “Ta'lim sohasidagi UNWTO faoliyati”, “Ertangi kunning investitsiyalari: cheksiz kelajak uchun transformatsiya, texnologiya, innovatsiya va ta’lim” mavzularidagi ma’ruza va taqdimotlari bo’lib o’tadi.
O‘zbekiston, AQSh, Shveytsariya, Singapur, Hindiston, Xitoy, Janubiy Koreya, Ispaniya, Gretsiyadan 7 nafar spiker, shu jumladan, turizm sohasida O‘zbekiston yoshlar yetakchilari ishtirok etadigan yalpi majlis o’tkaziladi.
Forumga turizm sohasidagi yetakchi ta’lim tashkilotlari, shuningdek, 30 ta mamlakatdan yetakchi xalqaro tashkilotlar vakillari ishtirok etmoqdalar.
