Bugun Samarqand viloyat hokimi Erkinjon Turdimovning Indoneziya Respublikasi Parlamenti Vakillar palatasi Spikeri o'rinbosari Rahmat Gobel bilan uchrashuvi bo'lib o'tdi.
Joriy yilning 27 aprel kuni Jakarta-Toshkent-Jakarta to'g'ridan-to'g'ri aviareyslarining yangi yo'nalishi ochildi. Ziyorat turizmini rivojlantirish maqsadida Rahmat Gobel bilan birga mamlakatimizga yangi yo'nalishning birinchi reysi bilan O'zbekistonning Indoneziyadagi turizm elchisi va turizm biznesining 25 vakili ham keldi.
Mehmonlar Imom Al-Buxoriy majmuasi, Abu Mansur al-Maturidi maqbarasi, “Silk Road Samarkand” turistik majmuasi va Samarqandning boshqa diqqatga sazovor joylariga tashrif buyurishdi.
Joriy yilning fevral oyida viloyat hokimi o'rinbosari Rustam Kobilov boshchiligidagi Samarqand viloyati delegatsiyasining Indoneziyaga tashrifi chog'ida Indoneziya parlamenti vitse-spikeri Muhaymin Sikandar bilan turizm sohasidagi hamkorlik masalalari bo'yicha kengaytirilgan formatda uchrashuv bo'lib o'tdi.
