Xitoyning “Bir makon, bir yo‘l” xalqaro tashabbusi Markaziy Osiyo, Yevropa va Afrika mamlakatlari o‘rtasidagi hamkorlikni yanada rivojlantirish uchun keng yo‘l ochdi.

Yaqinda Xitoyning CGTN (China Global Television Network) global televizion tarmog‘i  ijodiy jamoasi Samarqandda bo‘ldi.

Xitoy telejurnalistlarini eramizning 7-asr oʻrtalariga oid Afrosiyob freskalari juda qiziqtirdi, ayniqsa  uning shimoliy devoridagi “Xitoy paneli”da  tasvirlangan ov qilayotgan Xitoy imperatori  va qadimiy Samarqanddagi  Ixshid saroyiga qayiqda  kelayotgan Xitoy malikasi.

Ma'lumki, Xitoy imperatorining maslahatchisi Kay Lun milodiy 105 yilda qog'ozni  yaratgan. VII-VIII asrlardayoq O‘rta Osiyoda qog‘oz ishlab chiqarish rivojlanganligi va Samarqand qog‘ozi ayniqsa mashhur bo‘lganligi CGTN koʻrsatuviga “Konigil” turizm qishlog‘i misolida ham kiritildi.

Xitoy telejurnalistlari, shuningdek, “Silk Road Samarkand” turistik majmuasiga tashrif buyurib, Xitoyning Minyoun Hospitality mehmonxonalar tarmog‘i tomonidan boshqariladigan besh yulduzli “Silk Road by Minyoun” mehmonxonasi bilan tanishdilar.

Albatta, Samarqandning tarixiy diqqatga sazovor joylari CGTN jurnalistlarining  telekoʻrsatuvi syujetining asosi boʻldi.