📢Birlashgan Millatlar Tashkilotining Jahon sayyohlik tashkiloti (UNWTO)ning Madriddagi shtab-kvartirasida oktyabr oyida Samarqand shahrida BMT Bosh Assambleyasining 25-sessiyasini oʻtkazish toʻgʻrisida UNWTO va Oʻzbekiston hukumati oʻrtasidagi kelishuvni imzolashning rasmiy marosimi boʻlib oʻtdi. 

 🖋 UNWTO nomidan hujjatni tashkilot bosh kotibi Zurab Pololikashvili, O‘zbekiston  tomonidan tabiiy resurslar vaziri Aziz Abduhakimov imzoladi.

 📖Tadbir davomida “UNWTO va Oʻzbekiston Madaniyat va turizm vazirligi oʻrtasida Samarqand shahrida UNWTO bilan hamkorlikda Xalqaro turizm akademiyasini tashkil etish boʻyicha oʻzaro anglashuv memorandumi” ham imzolandi.

 ✅Tadbir natijalariga koʻra, UNWTO Bosh kotibi “Samarqandda boʻlib oʻtadigan global tadbir, shubhasiz, turizm olamida tarixiy voqea boʻlishini” taʼkidladi.

 “O‘zbekiston Markaziy Osiyoning yuragi, ulkan ilmiy, madaniy va me’moriy merosning posbonidir.  Bugun bu  iqtisodiyoti jadal rivojlanayotgan, o‘zining qudratli salohiyatini dunyoga ochib berayotgan davlatdir, – dedi UNWTO rahbari.  – Ishbilarmonlik tashabbuslarini amalga oshirish uchun qulay shart-sharoitlar shakllanayotganini, buning natijasida tashqi va ichki turizmga bo‘lgan talab jadal o‘sib borayotganini yaqqol kuzatmoqdamiz.  O‘zbekiston turizm sohasida tan olingan yetakchi davlatlardan biridir.  Shu bilan birga, O‘zbekiston turizm sohasi eng yosh sohalardan biri bo‘lsa-da, o‘z rivojlanishida ko‘plab sohalardan oldinda”, — dedi Zurab Pololikashvili.