Maʼlumki, Oʻzbekiston Respublikasi Vazirlar Mahkamasining qarori bilan “Ayrim turdagi malaka sertifikatlarini berish boʻyicha davlat xizmatlari koʻrsatishning yagona maʼmuriy reglamenti” tasdiqlangan.

Mazkur me’yoriy hujjatga muvofiq, Gid, ekskursiya yetakchisi va yo‘riqchi-yo‘l boshlovchilarga malaka sertifikati va identifikatsiya kartasi (beyjik)ni berish bo‘yicha ishchi organi etib  Madaniy meros obyektlari muammolarini o‘rganish va turizmni rivojlantirish ilmiy-tadqiqot instituti belgilangan.

Nizomda malaka sertifikatini berishni rad etish, uni bekor qilish va tugatish shartlari, shuningdek, apellyatsiya berish shartlari aniq tartibga solingan.

Samarqand viloyati turizm boshqarmasi va Turizmni rivojlantirish ilmiy-tadqiqot instituti  hamkorligida gid  hamda ekskursiya yetakchilari  ishtirokida joriy yilning 11-yanvar kuni tashkil etilgan tadbirda gidlar malakasini xolis baholashga doir shu va boshqa masalalar muhokama qilindi.