Madaniyat va turizm vazirining birinchi o‘rinbosari U.A’zamov bilan “Hertfordshire Press” nashriyot-matbaa ijodiy uyi asoschisi, Yevroosiyo ijodiy gildiyasi raisi, professor Garet Stump bilan uchrashuv tashkil etildi.

Muloqot chog‘ida O‘zbekistonning turizm salohiyati, mamlkatning jahon tarixida tutgun o‘rni va madaniy merosi haqida Buyuk Britaniya uchun bosma va targ‘ibot materiallarini chop etish, xalqaro madaniy tadbirlarni yuqori saviyada tashkil etish bo‘yicha hamkorlik istiqbollari hamda yurtimizning sayyohlik salohiyatini butun jahon miqyosida ommalashtirish masalalari muhokama etildi.

Uchrashuv davomida Buyuk Britaniya vakillari O‘zbekistonda turizm sohasida amalga oshirilayotgan islohotlarni yuqori baholab, soha rivojida ommaviy axborot vositalarida targ‘ibotni kuchaytirish va targ‘ibot materiallarini ko‘paytirish muhimligini ta’kidladilar. Shuningdek, targ‘ibot materiallarini chop etish va madaniy tadbirlarni tashkil etishda hamkorlik qilishga tayyor ekanliklarini bildirdilar.

Muzokaralar natijasida O‘zbekiston hududlarining noyob sayyohlik yo‘nalishlari taqdimoti bo‘yicha “Turistik filmlar va videoroliklar tanlovi”ni o‘tkazish, “O‘zbekiston pazandalari” jurnali va “Discovering” ilmiy nashrini chop etish bo‘yicha dastlabki kelishuvlarga erishildi.